"Untitled Post" - Views: 21 · Hits: 21 - Type: Public

係上網搵到份叫見習私人助理既工有興趣,所以係indeed到sd左cv,之後佢約我3點,3點上到去打比佢同我講未得閒,4點再上返黎。上到去,係一個40幾既女人黎,一開波就填左2份野,填填下見到抽傭之類既野,先知道原來係一間中介公司,agent,話係會幫我搵工(我唔覺得佢會幫我搵),所以上黎根本就唔係見工,因為佢唔係exactly係一間公司請人。後尾佢叫我寫返想搵既工落表到,咁我就寫左見習私人助理同埋文員啦。

因為我大學讀既係電影系,同埋學編劇之類既工作,佢就開始屌我點解唔搵返電影,編劇既工,我就話呢一行係香港比較難搵食,佢就話冇一行一開始就容易架,行行都好難架,跟住就一連串係咁屌我,講到自己幾撚捱得,話我地呢啲年輕人幾咁唔捱得,係被呵護下成長,話自己以前平日返學,星期六日返工賺錢,賺返黎啲錢就係生活費,我又何嘗唔係咁?我讀書嘅時候都係星期六日去返part time,屌!你估得你一個辛苦?又話我地唔知上一代嘅人幾咁捱得就話佢地廢老,真係比佢吹漲!

跟住佢冇啦啦講到你知唔知一間公司如果要裁員,會裁走啲咩人?第一批係高薪厚職既人,第二批係乜你知唔知。我話唔知,佢就話係一啲40歲既女人,話佢地要結婚,結婚之後要湊仔,仔女會有機會發燒睇醫生,咁媽媽就要帶佢地去睇醫生,咁就要請假,而且會請唔少假,所以公司要炒人嘅話一定會炒呢啲請假請得多既人。之後就話如果你要愛情 就要好似咁犧牲事業,我都見過有人唔結婚架,佢地咪穩穩定定咁囉。真係on撚9,你真係覺得人生只係得工作?係咁就真係玩撚完啦,跟住冇啦啦屌我 你真係為工作而工作架咋喎。我真係呆左一呆,呢個時勢唔為工作為乜撚野?我有錢唔洗工作啦!你估個個為興趣而工作咁撚幸福?

之後佢又屌我搵文員呢啲冇前途既工,話公司炒人會炒admin個批先,話marketing同sales唔會比人炒,因為佢地幫公司賺錢,之後我話我讀文科,佢話我做咩唔揀商科。咁樣講法,全世界既人係咪都應該揀商科同做marketing?最火嘅係,佢冇啦啦問我同邊個一齊住,我話爸爸媽媽呀哥,跟住佢就問:所以你係咪冇乜壓力?我真係想一巴車過去,跟住我話我呀哥失業緊,佢就好似鋸返啲咁。

呢條陳小姐真係On9到冇人用,我上黎係見工,唔撚係比你奚落架,你唔撚係有心請人就唔好晒時間比人上去見工,見我後生就踩多幾腳?勸大家見到呢間公司同埋呢個電話92387680 咪撚晒時間上去!